॥ Doha ॥
Devi poojit Narmada,
mahima badi apaar।
Chalisa varnan karat,
kavi aru bhakt udaar॥
Inaki seva se sada,
mitate paap mahaan।
Tat par kar jap daan nar,
paate hain nit gyaan॥
॥ Chaupai ॥
Jai-jai-jai Narmada Bhavani।
tumhari mahima sab jag jaani॥
Amarkanth se nikli mata।
sarva siddhi nav nidhi ki data॥
Kanya roop sakal gun khaani।
jab prakatin Narmada Bhavani॥
Saptami surya makar ravivaara।
ashwani maagh maas avataara॥
Vaahan makar aapko sajen।
kamal pushp par aap virajen॥
Brahma Hari Har tumako dhyaven।
tab hi manvanchhit phal paaven॥
Darshan karat paap kati jaate।
koti bhakt gan nitya nahaate॥
Jo nar tumako nit hi dhyaave।
vah nar Rudra lok ko jaaven॥
Magarmachchha tum mein sukh paaven।
antim samay parampad paaven॥
Mastak mukut sada hi sajen।
paanv painjani nit hi rajen॥
Kal-kal dhwani karati ho mata।
paap taap harati ho mata॥
Poorab se paschim ki ora।
bahatin mata naachat mora॥
Shaunak rishi tumharau gun gaven।
soot aadi tumharaun yash gaven॥
Shiv Ganesh bhi tere gun gaven।
sakal dev gan tumako dhyaven॥
Koti teerath Narmada kinaare।
ye sab kahalaate dukh haare॥
Manokamana pooran karati।
sarva dukh maa nit hi haratin॥
Kankhal mein Ganga ki mahima।
Kurukshetra mein Saraswati mahima॥
Par Narmada gram jangal mein।
nit rahati mata mangal mein॥
Ek baar kar ke snaana।
tarat pidhi hai nar naara॥
Mekal kanya tum hi Reva।
tumhari bhajan karen nit deva॥
Jataa shankari naam tumhaara।
tumne koti janon ko hai taara॥
Samodbhava Narmada tum ho।
paap mochani Reva tum ho॥
Tumhari mahima kahi nahi jaai।
karat na banati maatu badaai॥
Jal prataap tum mein ati mata।
jo ramaniya tatha sukh data॥
Chaal sarpini sam hai tumhaari।
mahima ati apaar hai tumhaari॥
Tum mein padi asthi bhi bhaari।
chhuvat pashaan hot var vaari॥
Yamuna mein jo manuj nahaata।
saat dinon mein vah phal paata॥
Saraswati teen dinon mein deti।
Ganga turat baad hin deti॥
Par Reva ka darshan karke।
maanav phal paata man bhar ke॥
Tumhari mahima hai ati bhaari।
jisako gaate hain nar-naari॥
Jo nar tum mein nitya nahaata।
Rudra lok mein pooja jaata॥
Jadi bootiyaan tat par rajen।
mohak drishya sada hin sajen॥
Vaayu sugandhit chalati teera।
jo harati nar tan ki peera॥
Ghat-ghat ki mahima bhaari।
kavi bhi gaa nahin sakate saari॥
Nahin jaanun main tumhari pooja।
aur sahaara nahi mam dooja॥
Ho prasann oopar mam mata।
tum hi maatu moksha ki data॥
Jo maanav yah nit hai padhata।
usaka maan sada hi badhata॥
Jo shat baar ise hai gaata।
vah vidya dhan daulat paata॥
Aganit baar padhai jo koi।
pooran manokaamana hoi॥
Sabke ur mein basat Narmada।
yahaan vahaan sarvatra Narmada॥
॥ Doha ॥
Bhakti bhaav ur aani ke,
jo karata hai jaap।
Mata ji ki kripa se,
door hot santaap॥
The Narmada Chalisa is a devotional hymn dedicated to Maa Narmada,
one of the holiest rivers of India. Reciting it on Narmada Jayanti and undertaking the Narmada Parikrama are considered especially meritorious॥